13سالہ بچی نے امریکی اداکارہ کی انتہائی پر کشش آفر ٹھکرا دی کیونکہ

• 
• 

بنکاک (نیوز ڈیسک) تھائی لینڈ کی ایک نوعمر لڑکی نے دنیا کی امیر ترین اور مقبول ترین شوبز شخصیات میں شمار ہونے والی فحش ماڈل کم کارداشین کی ناقابل یقین پیشکش کو ٹھکرا کر سب کو حیران کردیا ہے۔
کم کارداشین اپنے شو ”کیپنگ اپ ود کارڈ اشنز“ کی ریکارڈنگ کے دوران تھائی لینڈ کے ایک یتیم خانے کے دورے پر بھی گئیں اور یہاں 13 سالہ لڑکی پنک کے ساتھ اسے پہلی نظر میں ہی پیار ہوگیا۔ اس کا کہنا تھا کہ پنک ناقابل یقین حد تک ذہین، خوش مزاج اور پیاری بچی ہے اور وہ اسے اپنی بیٹی کے طور پر گودلینا چاہتی ہے۔ یہ لڑکی تھائی لینڈ میں آنے والے تباہ کن سونامی کے بعد یتیم خانے میں دیگر درجنوں بچوں کے ساتھ ایک مشکل زندگی گزار رہی ہے لیکن ارب پتی ماڈل کی بیٹی بننے سے اس کے صاف انکار نے سب کو حیرت میں ڈال دیا۔
پنک کا جواب بھی بہت شاندار تھا، اس کا کہنا تھا کہ اس کے ساتھ رہنے والے بچے اس کے بہن بھائی ہیں اور وہ ان کی تعلیم اور دیکھ بھال کو ضروری سمجھتی ہے اور تعلیم مکمل کرکے اپنے وطن کی خدمت کرنا چاہتی ہے۔ اس نے بتایا کہ اگرچہ وہ خوش ہے کہ دنیا کی مشہور ترین اور امیر ترین شخصیات میں شمار ہونے والی خاتون اسے بیٹی بنانا چاہتی ہے لیکن وہ اپنوں اور اپنے وطن سے دور نہیں جانا چاہتی۔ کم کارداشین اس سے پہلے ٹی وی پر اعلان کرچکی تھیں کہ وہ پنک کو بیٹی بنارہی ہیں۔

•